Transcription
1
Monsegneur, ceste est pour vous advertir comment monsegneur le prince
2
daulphin est parti du jour dhyer de ceste ville pour aller en sa maison
3
à St Fergeau, et de là en Daulphiné. Jay retiré ce jourdhuy de monsieur
4
de Sauve les commissions, linstruction et ledict pour engager pour L m[ille] Ltz
5
de domaine, que iay baillé à Cheron son secretaire, quil avoit laissé
6
yci à cest effect, de les luy porter, après lequel, pour ce faire part demain.
7
Mondit segneur le prince me commanda à son depart de poursuivre quil
8
eust une lettre du roy à monsegneur de Nemours pour luy envoyer sa
9
companie sil la demandoit, de quoy ce jourdhuy matin iay parlé
10
premierement à monsieur de Sauve et luy en ay donné ung memoire, puis
11
à monsegneur le duc, sortant pour aller en la chambre du roy, après
12
à la royne, et finablement au roy en sa chambre au retour de sa messe,
13
et luy ay remonstré que le lieutenent, lensègne, et la plus grande
14
partie de ladite companie estoit du Daulphiné, que difficilement
15pourront il aller faire la guerre ailleurs, [ajouté : la] voyant ce pendant [barré : la guerre ]
16
dans ledit pays et voyant leurs maisons subgettes aux brigandages et invasions
17
de l’ennemi. Touttesfois le roy ma respondu que par le departement
18
qui avoit esté faict de sa gendarmerie, ladite companie se trovoit
19
ordonnée pour le Languedoc et quil ne vouloit pas changer ce quen
20
avoit esté faict, mais que mondit segneur le prince, estant arrivé
21
en son gouvernement, et ayant veu lestat des forces quil pourroit
22
assembler et recogneu celles de lennemi luy en donnant advertissement
23
il y pourvoiroit. Jay escrit la response du roy à mondit segneur le
24
prince et faict entendre que ie nen parlerois plus que ie nen eusse
25
noveau commandement de luy. Il ma faict fort bon visage despuis
26
ce que ie vous en escrivis, me semble du XIe de ce moys, et à son despart,
27
il luy pleut me recommander les affaires de son gouvernement, et si
28
ie ny estois employé cy devant, quil esperoit que ie y continuerois
29[barré : avec ] pour son service à present quil sy en alloit, que je parlasse souvent
30
de luy à leurs majestés, quil feroit pour moy tout ce don je le
31
requerrois, et mille autres bons propoz, desquelz je me sens grandement
32
honnoré. Il jouira bien plus tost de moy par ce moyen que par celuy
33
que Bazemont luy voulloit faire prendre. Le XIXe, ie receus votre
34[barré : lettre ] depeche du XIIIe [barré : la quelle fait ] celle que vous faisiez
35
au roy fut leue le XXe. Mondit segneur le prince à son depart
36
[111B]
37
navoit pas receu celles que vous luy escrivis comme je pense quil
38[barré : n’a faict ] ne les recevra pas, mais ie luy fis lecture des copies que
39
mavez envoyé des lettres à leurs majestés et à luy. C’est ung prince de
40
grand cueur, et qui viendra facillement aux mains et au c[ombat ?]
41
avec lennemy si loccasion sy presente, et si il la cherchera. Il est party
42
avec son train ordinaire, mais il espere, en passant, avoir des gentilshommes
43
de ses terres de Bourbonnois, Auvergne, Beaujoulois, et Dombes.
44
Je ne vous puis dire le temps quil pourra estre en Dauphiné et
45
ne sera pas, comme ie pense, advant Quasimodo, et ay ouy parlé
46
aux siens quil pourroit faire pasques en Bourbonnois. Ce pendant ie
47
pense quil vous envoyera ledict pour le faire publier et donner
48
quelque commencement à lexeqution diceluy. Je y ay faict mettre
49
clause par la quelle iespère avoir raison des sieurs de la [P?]
50
et de Motet silz ne me veullent volontairement faire part
51
de leurs acquisitions. Il est vray que les VI c[ents] écus que le sieur de
52
Richelieu a heu de moy me feront faute, mais il me promet [me]
53
faire bien tost raison et me donner asseurance advant quil parte
54
de ceste ville pour aller trover mondit segneur le prince à St Fergeau.
55
Je suis bien aisé, monsieur, que vous nayez pas ietté sur moy l’[ ?ennui]
56
de ceste vente de domaine, et pour nen estre chargé iay mieux
57
aymé que vous en receviés ledict de la part de mondit segneur
58
le prince que de la mienne. Monsieur le president Truchon a obtenu
59
par le moyen du commis de monsieur de Sauve une declaration [ ?du roy]
60
pour rentrer en la terre de St Laurens du Pont en remboursant
61
monsieur de La Tivollière. Monsieur d’Ambrun a heu celle que
62
vous luy escriviés, et celle du vibally d’Ambrun. De Marquetz nest
63
pas encor arrivé que iaye sceu. Je rendz assez de temoinage
64
à messieurs du pays que touttes voz lettres au roy sont plaines des
65
misères que le pauvre peuple souffre, que non la bonne volonté
66
mais le pouvoir deffant aux bons subjectz, quil ny a plus ou en
67
prendre ny moyen que lon en treuve, et les grandz inconvenientz
68qui en adviendront si [barré : le ] sa majesté ny remedie. Je ne me suis pas
69venté du refuz que les estatz ont faict [barré : au roy ] de ce que ilz
70
[112A]
71
avoint accostumé de donner au roy, comme vous mavez escrit, car
72
on le trouvera bien mauvais. Jen layray apporter la nouvelle à Boilhat (Bressat ?).
73
Je ne scay monsieur quel rapport vous a esté faict de luy, mais
74[barré c’est] lannée dernière quil estoit en ceste ville avec madame de
75
Maugiron pour le procès contre le sieur de Pardaillan, il me voyoit souvent
76
mais je ne congeus jamais en luy indiscretion en votre endroit, mais tous
77
bons et honnorables propoz, ny entendu quil en aye usé autrement
78
alheurs. Touttesfois ce sont gens qui gaignent leur vie à accuser et
79
deffendre, et a debattre et soustenir touttes causes. Ie my prendray
80
sogneusement garde et si ien decouvre quelque chose, ie le relevray bien.
81
Je suis bien aisé que vous vous serviés du sieur de Marquetz par deca.
82
Il [ajouté : vous] y satisfera fort [ajouté : bien] sil le veut faire car le bon entendement ne
83
luy deffaut pas ny la practique de ceste cour. Je plains grandement
84
le feu capitaine la Marcousse. Je ne puis avoir la lettre de monsieur le
85
president de Mazan pour Cot, il a de long temps le billet que monsieur
86
d’Evenes me laissa. Je le voy tous les jours et luy en parle autant
87
de fois. Au lieu que ie pensois que monsieur de St Sulpice et monsieur
88
de Villeroy deussent partir je les ay trouvé ce matin en cappe
89
au lougis du roy. Ledit sieur de Villeroy fut hyer à Chantilli, que nous
90
faisoit croire que cestoit pour partir ce jourdhuy. Jestime que
91
vous pourriés avoir la presente par monsieur de Montatère qui sen acquittera
92
peut estre mieux quil ne fit par deça des votres lors quil vint,
93
si cest-il loué de la bonne chère que vous luy fistes en passant.
94
On tient pour certain que St Jehan de Lorge a esté tué ou dans
95
son abbaye de St Jehan ou dans Falèze. Tant est quil est mort.
96
Il a esté bruict que monsieur de Limeul avoit pris les armes
97
avec les mal contentz, mais il se treuve au près de monsieur de
98
Losses quil est allé trover bien accompagné pour le service du roy.
99
Son frère est des mal pourveus et qui en prend où il en peut
100
trouver, d’où estoit procedé tel bruict. On ma dict que le roy
101
a mandé les gentilzhommes segneurs et princes qui estoint allez
102
en Pologne mesmement ceulx qui ont charge, et dict on
103
que la plus grand part est en chemin pour le retour. On a envoyé
104[barré : assign ] payement pour cinquante chevaux legers du seigneur Centurion
105
pour deux moys. Ce matin monsegneur le duc a assemblé
106
[112B]
107
plusieurs segneurs pour ouyr la querelle quest du jour querele[ ?]
108
de jeudi dernier XVIIIe entre le comte de Martinengues et
109
le sieur de Sainte Marie, gouverneur de Dorlan advenue sur le [rature]
110
blason de la couleur de gris, mais cest quilz servent tous
111
deux une mesme maistresse. On ma dict que ce que
112
les estatz de Languedoc ont accordé au roy a esté à la charge
113
quil sera employé dans le pays pour la deffence diceluy. Monsieur
114
d’Evènes mexcusera sil luy plaict si ie ne luy feis une particulière
115
lettre. Je nay baillé que XXXVI écus sol pour loffice de notaire.
116
Je luy en doibz quatre de ce costé. Quand les lettres seront expediées
117[barré : me ] ie les luy envoyeray. Je presente pour la fin mes très humbles
118
recommandations à votre bonne grace et à la sienne. Je prie Dieu,
119
monseigneur, vous donner très longue et heureuse vie.
120
de Paris, ce XXI mars 1574
121
Votre très humble serviteur
122
So de Boczosel